Qazaqstan musylmandary dinı basqarmasy Ramazan ýaqytynyń ózgerýine baılanysty 2018 jylǵy Qazaqstan qalalarynyń Ramazan aıyndaǵy oraza jáne namaz kestesiniń jańa nusqasyn bekitti, dep habarlaıdy Qamshy.kz aqparat agenttigi QMDB baspasóz qyzmetine silteme jasap.

Maýsymnyń 10-nan 11-ne qaraǵan tún - qasıetti Qadir túni. Oraza aıt 15 maýsymda, al Qurban aıt 21 tamyzda bastalady.

"Ramazan ýaqytynyń ózgerýine baılanysty nazarlaryńyzǵa 2018 jylǵy Qazaqstan eldimekenderiniń Ramazan aıyndaǵy oraza jáne namaz kestesiniń jańa nusqasyn usynamyz!

Tóralqa Májilisi músheleriniń biraýyzdy sheshimimen bıylǵy pitir sadaqa mólsheri – 300 teńge bolyp bekitildi", - delingen habarlamada.

Aıta keteıik, keshe Qazaqstan musylmandary dinı basqarmasynyń tóraǵasy Serikbaı qajy Oraz Ramazan aıynyń qaı kúni bastalatyndyǵyna qatysty resmı málimdeme jasaǵan bolatyn.