Indonezıanyń Iava aralyndaǵy úsh shirkeýde jarylys bolyp, 9 adam qaza tapqan, al 40-qa jýyq adam aýyr jaraqattandy, dep habarlaıdy Rıa novostı saıtyna silteme jasap.

«Sýrabaı Shyǵys Iavada úsh shirkeýde jeksenbi kúni bomba jaryldy. Polısıa qyzmetkerleri ózin-ózi jaryp jibergen bir terrorıstti bekitti. Ázirge toǵyz adam qaza taýyp, 40-qa jýyǵy jaraqattanǵany belgili», - delingen jergilikti basylymdardyń birinde.

Alǵashqy jarylys Iava araly Sýrabaı qalasyndaǵy katolıkter shirkeýinde jergilikti ýaqyt boıynsha tańǵy 7:15-te bolǵan, artynsha bes mınýt aralyqpen taǵy eki jarylys bolǵan. Ekinshi jarylys Djalan Dıponegerodaǵy protestanttyq shirkeýde bolsa, úshinshisi Ardjýno kóshesinde ornalasqan shirkeýde oryn alǵan.

Belgili bolǵandaı, jarylysty uıymdastyrǵandar shirkeýge kelgen qarapaıym turǵyndar sekildi kıinip kelgen eken. Polısıa qyzmetkerleri zertteý jumystaryn júrgizýde.