Nursultan Nazarbaev Mahathır Mohamadty Parlament saılaýynda «Úmit alánsy» koalısıasynyń jeńiske jetýimen jáne Malaızıa Premer-Mınıstri laýazymyna taǵaıyndalýymen quttyqtady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.

«Saılaý nátıjeleri Sizdiń parasatty basshylyǵyńyzben Malaızıanyń keleshekte jańa belesterdi baǵyndyratynyna halyqtyń senim artyp otyrǵanyn kórsetti. Buǵan Sizdiń 1981-2003 jyldarda Malaızıanyń qarqyndy damýyna qosqan ólsheýsiz úlesińiz dálel bola alady.

Qazaqstan men Malaızıa arasyndaǵy dostyq qarym-qatynas jyldan jylǵa nyǵaıyp, jan-jaqty órkendep keledi», – delingen jedelhatta.

Sondaı-aq, Memleket basshysy eki el arasyndaǵy jemisti yntymaqtastyqtyń odan ári damı beretinine senim bildirdi.

Sońynda Nursultan Nazarbaev Mahathır Mohamadqa jaýapty laýazymda tabys, al Malaızıa halqyna beıbit ómir men baq-bereke tiledi.