Kámelet jasqa tolmaǵan balanyń ókili Qurmanǵazy Músir men qoǵam qaıratkeri Arýjan Saın 7 jastaǵy balaǵa qatysty is qalaı júrip jatqanyn Facebook paraqshasynda jazdy.

Qurmanǵazy Músir OQO İİD Krımınaldyq polısıa basqarmasynyń basshysy polısıa polkovnıgi B.S Seltanovtyń ústinen túsirilgen shaǵym boıynsha qozǵalǵan qylmystyq isti QR Bas prokýratýraǵa ótkizýdi suraǵanda ótinishi qabyldanbaǵanyn jazdy.

«30.03.2018 jyly kámeletke tolmaǵan senim bildirýshiniń atynan (7 jastaǵy Abaı turǵyny) OQO ishki ister departamentiniń  jeke qaýipsizdik basqarmasyna OQO İİD krımınaldy polısıa basqarmasynyń basshysy polısıa polkovnıgi B.S Seltanovtyń ústinen aryzdandym. Osydan keıin QR QK  362 baby «Óz qyzmetin asyra paıdalaný» boıynsha  onyń ústinen qylmystyq is qozǵaldy.

10 kún ótkennen keıin atalmysh qylmystyq isti QR Bas prokýratýrasynyń arnaıy prokýroryna tapsyrý týraly ótinish bildirdim.

OQO prokýratýrasy eshteńeni túsindirmedi, maǵan jáne basqa da tulǵalarǵa ótinish qabyldanbaǵany týraly qaýlyny kórsetpedi. Ol qaýlynyń bar ekeni kúmán týdyrady. QR Qylmystyq-prosessýaldyq kodekske sáıkes, 99 bap boıynsha bizdiń quqyǵymyz buzyldy.

5 kún ótkennen keıin krımınaldyq polısıa basqarmasynyń basshysyna qatysty is qaıta OQO İİD JBQ-ǵa jiberildi.

25.04.2018 jyly men qylmystyq iste shaǵymdanýshylardy «jábirlenýshi» retinde tanyp, B.S. Seltanovty tergeý amaldary bitkenshe «kúdikti» dep taný týraly qaýly shyǵarýǵa ótinish bildirdim. Sebebi usynylǵan memlekettik qorǵaýdan bas tartyldy.

15 kún ótkennen keıin OQO İİD JBQ-ǵa tergeý bólimine baryp, meniń ótinishim qabyldanbaǵany týraly jazbasha nusqany alýǵa májbúr boldym. Ol hat 28.04.2018 jyl jazylypty mys. Eger maǵan shynymen habarlasyp, zań aıasynda jumys istegisi kelse, osy ýaqyt aralyǵynda hatty poshta nemese basqa komýnıkasıa joldary arqyly jetkizetin edi. Qaýly da áli shyqpady.

QR QPK normasy men kámeletke tolmaǵan senim bildirýshi men basqa da jábir kórgenderdiń quqyǵy taptalyp otyr» dep jazdy Qurmanǵazy Músir.

Ol Shymkent qalasy, ál-Farabı aýdanynyń prokýrory ál-Farabı aýdandyq sottyń B.Seltanovtyń 04.05.2018 jyly túsirgen shaǵymy boıynsha ózin aqtaǵan sheshimine qarsy shyǵýǵa barynsha tyrysyp júr degen sybys estigenin de jazady.

«Prokýratýra meni aıyptaǵysy kelip turǵandaı áser qaldyrady. Múmkin prokýratýra meni jazalamaq oıda shyǵar?» deıdi balanyń resmı ókili.   

Bul jaǵdaı týraly Arýjan Saın da Facebook paraqshasynda óz pikirin bildirdi.

«Eger bilim berý júıesiniń mamandary men polısıa kelip túsken shaǵym boıynsha ádiletti tekserý jumystaryn júrgizgen jaǵdaıǵa olarǵa qatysty eshqandaı másele týyndamaýshy edi!

Mektep dırektory halyqtyń aldyna shyǵyp «Iá, men qatelestim. Bala, onyń ájesi men olardyń zańdy ókilderiniń shaǵymyna nemquraıly qaradym, osylaısha zań aıasynda áreket etpedim. Men muny jaman oımen jasaǵanym joq. Endi mundaı qaıtalanbaıdy» dep aıtýdyń ornyna balanyń qorǵaýshysyn sotqa beredi.

Mektep dırektory ne isteý kerek edi? Balanyń ájesi kelip dırektorǵa sumdyq nárselerdi aıtty, balany zorlaıtyndyǵyn jetkizdi. Kez kelgen Qazaqstan azamaty, sheneýnik, dırektor bul jaǵdaıda ne isteıdi?  Qazaqstan azamaty zań boıynsha polısıaǵa habarlasý kerek. Ájesi men balasyn quqyqqorǵaý organdary qyzmetkerlerine tapsyrýy kerek edi. Sebebi ol balamen psıhologıalyq turǵyda sóılesýge, tergeý jumystaryn júrgizýge jáne balany zorlap kelgen bolýy múmkin balalarmen sóılesýge eshqandaı quqyǵy joq edi. Bul jerde másele bir-biriniń oqýlyǵyn tartyp alý nemese uryp-soǵý týraly emes, qylmystyq is týraly bolyp tur. Barlyǵy zańdy jolmen emes, máseleni óziniń jeke bas máselesi sekildi sheshýge tyrysady.  

Eger dırektor zań boıynsha áreket etse... Onyń famılıasy OQO İİD Krımınaldyq polısıa basyshymen birdeı bolsa, oǵan habarlasyp, «týysqan, meniń balamdy renjitip júrgender bar eken. Ózińniń baqylaýyńa alshy, ol bala ǵoı» dep aıtsa barlyǵy basqasha bolýshy edi. Olar qaharman, balany qorǵaǵan, máseleni zańdy turǵyda sheshken adam bolýshy edi.

Bul jaǵdaıǵa nemquraıly qaramaıtyn Kurmangazy Mussir, Dinmýhanmed Artyqov, Janna Nýrseıtova sekildi azamattar bar. Olar óz aýdandarynda balanyń quqyǵyn qorǵaýǵa talpynyp júr. Júıe Qazaqstan konstıtýsıasynda jazylǵandaı jumys isteıdi degen úmit bar.

Uıymdastyrý men qajetti kómek kórsetý boıynsha ketip jatqan qarjyny Ásel men Erkin Tátishevter, Anar men Aıdyn Rahymbekovter, Aıda men Nuráli Álıevter qarjylandyryp otyr» dep otbasyn qoldap otyrǵan basqa da adamdarǵa alǵysyn bildirdi.

Esterińizge sala keteıik, osydan birneshe aı buryn  «OQO-daǵy Saryaǵash aýdany Abaı aýylynyń jeti jastaǵy turǵyny zorlyqtyń qurbany boldy» degen habar áleýmettik jelige keń tarap, jergilikti BAQ-tyń nazaryna ilinip, áleýmettiń ashý-yzasyn týdyryp, qatty talqylaýǵa ulasqan. Qylmystyq is qozǵalǵan.