Almaty oblysynyń polıseıleri sáýir aıynan beri habar-osharsyz ketken kámelet jasqa tolmaǵan Mılana Izýkaevaeny tapty, dep habarlaıdy Qamshy.kz aqparat agenttigi Almaty oblystyq İİD baspasóz qyzmetine silteme jasap.

Mılana Izýkaeva Almatyda qurbysynyń úıinen tabyldy. Bir jarym aı boıy qyz qurbysynyń úıinde tyǵylyp kelgen.

«Buǵan deıin 17 jastaǵy qyz 25 sáýirde úıinen shyǵyp ketip qaıtyp oralmaǵany habarlanǵan. Talǵar aýdanyna qarasty aýyldardyń birindegi mektepte oqıtyn qyzdyń joǵalyp ketkeni týraly aqparatty onyń týystary jetkizgen» delingen Almaty oblystyq İİD baspasóz qyzmetiniń habarlamasynda.

Qyzdy izdeýge Talǵar aýdandyq polısıanyń jeke quramynyń barlyǵy jumyldyrylǵan. İz-tússiz joǵalyp ketken qyz týraly aqparat barlyq polısıa bólimshelerine taratyldy jáne áleýmettik jelide jarıalandy.

«Qyzdy Almatyda tapty. Onyń jaǵdaıy jaqsy. Qazir Mılana týystarymen birge» deıdi oblystyq polısıa.

Qyz buǵan deıin de birneshe márte úıinen qashyp ketken eken.