Shymkenttegi M. Áýezov atyndaǵy Ońtústik Qazaqstan ýnıversıtetine jańa rektor bolyp bas prokýror Qaırat Qojamjarovtyń ápkesi Darıa Qojamjarova taǵaıyndalǵan. Bul týraly zhasalash.kz saıty habarlady.

Saıttyń deregine súıensek, mınıstrdiń buıryǵy shyǵyp qoıǵan. Alaıda Darıa Qojamjarovanyń OQMÝ-ǵa rektor bolǵany týraly ázirge resmı aqparat taralǵan joq. Jańa rektordy ujymǵa tanystyrý úshin Astanadan Bilim jáne ǵylym mınıstri Erlan Saǵadıevtiń ózi Shymkentke arnaıy barady dep josparlanyp otyr.

Jańa rektor Darıa Qojamjarova buǵan deıin Tarazdaǵy Memlekettik pedagogıkalyq ınstıtýtynyń rektory bolǵan. Mamandyǵy boıynsha tarıhshy. Eńbek jolyn atalǵan oqý ornynda qarapaıym oqytýshylyqtan bastaǵan. Osy mekemede taban aýdarmastan jumys istegen. Ǵylym doktory, prorfessor, Ulttyq ǵylym akademıasynyń korespondent múshesi. Taraz qalalyq máslıhatynyń depýtaty bolǵan. 2016 jyldan Jambyl oblystyq máslıhatynyń depýtaty, máslıhattaǵy turaqty komısıaǵa jetekshilik etedi. Sonymen birge «Nur Otan» partıasy Jambyl oblystyq fılıalynda partıalyq baqylaý komısıasynyń tóraıymy. Aıta keteri, Darıa Perneshqyzy Qazaqstannyń bas prokýrory Qaırat Qojamjarovtyń týǵan ápkesi.

Baqytjan Ábdirash