Mamyrdyń 4-i kúni Pavlodar qalalyq №2 soty túrme jazasyn shartty túrge aýystyrǵan. Sot ótken kúni advokat Tólegen Shaıkov "Eleýsinovtiń týystary memleket aldyndaǵy shyǵyndardy ótegenin" aıtqan.

Ámın Eleýsinovti munaıshylardyń Qazaqstan táýelsiz kásipodaqtary konfederasıasyn jabýǵa qarsy ashtyq aksıasy kezinde ustaǵan. Kásipodaqtyń Mańǵystaý oblysyndaǵy fılıaldaryn bılik belgilegen merzimge deıin tirkelmegeni úshin jappaq bolǵan. Aqtaýda jáne Qalamqas pen Jetibaı kenishterinde ótken narazylyq aksıalaryna júzdegen munaıshy qatysqan.

2017 jyly sáýirde Astana qalasynyń Almaty aýdandyq 2-soty Ámın Eleýsinovti "kásipodaqtyń senip tapsyrǵan qarjysyn jymqyrdy" jáne "polıseılerge til tıgizdi, baǵynbady jáne olarǵa kúsh qoldandy" degen aıyptarmen eki jylǵa sottaǵan.

Eleýsinovpen birge kompanıa kásipodaǵynyń eńbek ınspektory Nurbek Qushaqbaev ta jazalanǵan. Nurbek Qushaqbaev "zańsyz ereýildi jalǵastyrýǵa arandatty" degen aıyppen eki jarym jylǵa túrmege qamalǵan.

Mamyrdyń 11-i kúni Pavlodar qalalyq №2 soty Qushaqbaevty da túrmeden bosatý týraly sheshim qabyldaǵan.