Aıtysker aqyn Muhamedjan Tazabek óziniń Facebook paraqshasynda apatty jaǵdaıda qonǵan ushaqta túsirilgen vıdeony jarıalady. Odan ushaqtaǵy adamdardyń janushyra aıqaılap, qoryqqanyn ańǵarýǵa bolady. Aqyn vıdeony túsirgen er adamnyń ómirdegi qorqynyshty sátte Allany eske alyp, odan keshirim suraǵanyna rıza boldy. 

"Alla saqtady! 
Beıtanys baýyryma raxmet, Jaratýshydan keshirim surap, ımanyn bekemdep otyrýdan sharshaǵan joq...
Bizdiń basymyzdan da talaı nárse ótip jatyr ǵoı, osylaı Allany eske alyp, táýbemizge kelip júrmiz be..? 
Álde, "oıbaılap" nemese aýzymyzdan baıqaýsyz boqtyq sózder shyǵyp ketip júr me..? 
Júrekke ne sińirsek, qysylǵanda sol shyǵady, degen ras qoı...
Qaýipti jaǵdaıǵa tap bolǵanda emes, beıbit kún, berekeli ýaqyttardyń bárinde tilimizden kórkem sóz tógilip, ishki dúnıemizdi jaman oıdan tazartyp júrsek, ókinbeıtinimiz anyq.
"Qulap bara jatqan ushaqta Qudaıǵa senbeıtin adam bolmaıdy" degendi burynǵylar beker aıtpaǵan ǵoı...
Alla barshamyzdy aıaq asty apattan, tosynnan kelgen taqsyretten saqtasyn!" dep jazdy Muhamedjan Tazabek.