Almaty Arena sport kesheninde brazılıalyq jıý-jıtsýdan Arlan Grip Selection «Koktem open-2018» xalyqaralyq týrnıri bastaldy, dep habarlaıdy qalalyq aqparattyq jáne sporttyq HAB.

Búgin, jarystyń birinshi kúni 6-17 jas aralyǵyndaǵy balalar men jasóspirimder kúsh synasty. 400-ge jýyq sportshy tek Almaty qalasy emes, elimizdiń ár oblysynan jáne Qyrǵystannan kelip óner kórsetti.

Osy arenaǵa jınalǵan qonaqtar men ata-analar qyzyqty ári tartysty kezdesýlerdiń kýási bolyp, olarǵa qoldaý kórsetti. Nátıjesinde jeńimpazdar men júldegerler medal jáne dıplommen marapattaldy.

«Jarys jaqsy deńgeıde ótti. Ókinishke qaraı, birinshi oryn ala almadym. Qarsylasym myqty boldy. Onyń ústine sońǵy jattyǵýlarǵa kóptegen sebeptermen kele almadym, sol nátıjege óz áserin tıgizdi. Biraq, alda jeńisti kúnder kóp bolady dep senemin», - dedi qola júldeger Arnýr Shabdar.

Aıta ketý kerek, bul jarys IBJJF erejelerine sáıkes túrli salmaq dárejeleri boıynsha uıymdastyryldy.

Erteń, ekinshi kúni jarys 18 jastan joǵary qatysýshylar arasynda ótkiziledi. Bastalýy saǵat 10:30-da.

Týrnırdiń basty maqsaty elimizde brazılıalyq jıý-jıtsýdy damytyp, elge tanytý, sport pen salaýatty ómir saltyn nasıhattaý, sportshylardyń sheberlikterin arttyrý jáne úzdikterdi anyqtaý bolyp tabylady. Jarystyń nátıjelerin www.arlangrip.kz saıtynan kóre alasyzdar.