Jeli qoldanýshylary "Rýhanı jańǵyrý" memlekettik baǵdarlamasynyń logogtıpiniń túpnusqa ekendigine kúmán keltirdi. 

Facebook belsendileri memlekettik baǵdarlamanyń logotıpin túrli tústerden jasalǵan mozaıkadaǵy búrkit beınesindegi fransıalyq uıymnyń sýretine uqsas degen pikir aıtyp jatyr. 

«Sanany fransýzsha ózgertý. Barlyq uqsastyq kezdeısoq jaǵdaı. Fransıadaǵy Aigle de Patmos kompanıasy transformasıa sheberligine úıretedi. Klıentterine «óz shyndyǵyn baıytyp, ony ózgertýdi, qıaldaǵy jaǵdaı arqyly tájirıbe qalyptastyrýdy, bilim men ony kórsetýdi, shynaıy kóńil-kúı men adamdy ılandyratyndaı sóıleýdi úıretýge» ýáde beredi. Aigle de Patmos kompanıasy óz qyzmetin Azýr qalasyndaǵy balalar men eresekterge arnalǵan Sanarı-súr-Mer teatrynda damytyp otyr»,-dep jazady Qazaqstannyń memleket jáne qoǵam qaıratkeri Murat Ábenov

Jarıalanymǵa pikir bildirýshiler eki topqa bólindi. Biri "ıdeıalar uqsaı beredi, basty másele tyndyrylǵan jumysta" dese, endi biri bul jáıtqa "uıat" dep baǵa bergen.

QR aqparat jáne komýnıkasıalar mınıstrliginiń baspasóz qyzmeti atalǵan másele boıynsha pikir bildirýge ýáde berdi.