29 jastaǵy er adam úılený úshin alyp qashqan qyzdy Qyrǵyzstandaǵy polısıa bólimshesinde pyshaqtap óltirgen. Bul týraly Shý oblysy İshki ister basqarmasynyń baspasóz qyzmeti habarlady.

Polısıaǵa qyzdyń urlanǵany týraly aqparat 27 mamyrda saǵat 22:00-de  kelip túsken. Arada biraz ýaqyt ótken soń jol  qaýipsizdigin saqtaý qyzmetkerleri Subaru Outback markaly avtokóligin Shý oblysyndaǵy Sosnovka aýylynda toqtatqan. Avtokólik rólinde 29 jastaǵy B.D azamaty otyrǵan. Kólikte taǵy eki jolaýshy: 30 jastaǵy S.A men 20 jastaǵy qyz otyrǵan. Barlyǵyn arnaıy  polısıa qyzmetkerleri Shý oblysynyń İİO-ǵa jetkizgen. 

Belgili bolǵandaı, 20 jastaǵy qalyńdyq azamattardy qabyldaý bólimshesinde otyrǵanda B.M kelip esikti ishten bitep alyp, janjal shyǵarǵan. Nátıjesinde ol qyzdy pyshaqtap, ózi de dene jaraqatyn alǵan. Ekeýi de birdeı aýrýhanaǵa jetkizilip, jas qyz jansaqtaý bóliminde kóz jumǵan. Al 29 jastaǵy kúdikti áli aýrýhanada eken.  Ekinshi jolaýshy 30 jastaǵy S.A tergeýge alyndy. Oqıǵaǵa qatysty qylmystyq is qozǵalǵan.