Aqparat jáne komýnıkasıa mınıstri Dáýren Abaev «Rýhanı jańǵyrý» baǵdarlamasynyń logotıpi aıasynda týǵan daýǵa baılanysty pikir bildirdi.
Abaevtyń aıtýynsha, bul aqparat ózi úshin kútpegen jaǵdaı bolǵan.
«Biz bárin tekserip, anyqtaımyz, keıin sizderge aıtamyz. Iá, logotıpte aıtarlyqtaı uqsastyq bar, biraq áńgime plagıatta emes dep oılaımyn. Munymen jeke aınalysamyz», - dedi mınıstr.
Aıta keteıik, Jeli qoldanýshylary "Rýhanı jańǵyrý" memlekettik baǵdarlamasynyń logogtıpiniń túpnusqa ekendigine kúmán keltirdi. Facebook belsendileri memlekettik baǵdarlamanyń logotıpin túrli tústerden jasalǵan mozaıkadaǵy búrkit beınesindegi fransıalyq uıymnyń sýretine uqsas degen pikir aıtyp jatyr.
