QR syrtqy ister mınıstri Qaırat Ábdirahmanov "Shekarany zańsyz kesip ótti" degen Saıragúl Saýytbaıdyń jaǵdaıynan habarsyz. Bul týraly mınıstr búgin úkimet jıyny barysynda aıtty. Qytaıdaǵy etnıkalyq qazaqtardyń máselesi talqylanyp jatqan jıyn barysynda jýrnalıser Saıragúl Saýytbaıǵa qatysty suraq qoıdy. Alaıda Ábdirahmanov bul jaǵdaıdy buǵan deıin estimegenin aıtty.

Búgin úkimet otyrysynyń úzilisinde Qaırat Ábdirahmanov Qytaıda ustalǵan etnıkalyq qazaqtardyń bosatylǵanyn málimdedi. Mınıstrdiń sózinshe, 12 etnıkalyq qazaqtyń toǵyzy bosatylǵan. Ári mınıstrlikte 170 etnıkalyq qazaq týraly málimet bar. Ábdirahmanov olardyń taǵdyry úkmiettiń baqylaýynda ekenin de jetkizdi.

Aıta keteıik, 25 mamyrda almatylyq belsendiler Qazaqstanǵa kelip, qaıtpaı qoıǵan, sol úshin de qamaýda otyrǵan Saıragúl Saýytbaıǵa memlekettik jáne halyqaralyq deńgeıde arasha suraý úshin áıeldiń otbasy men qoǵam belsendileri baspasóz máslıhatyn ótkizgen. Baspasóz máslıhatyna qatysqan Saıragúl Saýytbaıdyń kúıeýi Ýálı Silám Qazaqstan bıligi men qoǵam belsendilerinen áıelin Qytaıǵa qaıtarmaý týraly surady. "Sottalsa da, Qazaqstanda sottalsyn", - degen edi ol.