Qazaqstan Respýblıkasy Ulttyq bank basqarmasynyń 2018 jylǵy 28 mamyrdaǵy № 89 qaýlysymen  «Astana Banki» AQ-tyń jeke tulǵalardyń depozıtterin qabyldaýǵa, jeke tulǵalardyń bank shottaryn ashýǵa lısenzıasy toqtatyldy, dep habarlaıdy Qamshy.kz aqparat agenttigi Ulttyq banktiń baspasóz qyzmetine silteme jasap.

Bul sheshim banktik zańnama talaptarynyń buzýshylyǵyna qadaǵalaýshylyq retteý sheńberinde jáne «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy Zańynyń 48-babynyń 1-tarmaǵy v) tarmaqshasynda kózdelgen negizder boıynsha, tólem jáne aýdarym operasıalary boıynsha sharttyq mindettemelerdi únemi (qatarynan kúntizbelik on eki aı ishinde úsh jáne odan kóp ret) tıisinshe oryndamaýy úshin qabyldandy.

Lısenzıa jańa depozıtterdi tartýǵa jáne jeke tulǵalardyń jańa bank shottaryn ashýǵa qatysty toqtatyla turady jáne Banktiń qoldanystaǵy depozıtteri men klıentterine qyzmet kórsetýge qatysy joq.

2018 jylǵy 1 mamyrdaǵy jaǵdaı boıynsha Bank jeke tulǵalarynyń qabyldanǵan depozıtteriniń kólemi 53,0 mlrd. teńgeni quraıdy. Banktiń jeke tulǵalardyń depozıttik portfeliniń úlesi bank júıesi boıynsha jeke tulǵalardyń depozıtteriniń jıyntyq kóleminiń 0,6%-yn quraıdy.