"Almatyda abaısyzda qyz balany qaǵyp óltirgen Ánýar Jánibekov óz kinásin moıyndap, qyzdyń otbasyna keltirilgen zalaldy ótep berdi",- deıdi kináliniń advokaty. 

"Kinásin moıyndady. Bolǵan iske qatty ókinedi. Qazirgi tańda qaıtys bolǵan qyzdyń ata-anasymen  tatýlastyq. Keltirilgen shyǵyndy ótedik. Sot bas bostandyǵynan aıyrýdan basqa jaza qoldanady degen úmittemiz",-dedi advokat Álim Mustafaev jýrnalıserge. 

Sonymen qatar ol rásimdik kelisim jasalmaǵanyn atap ótti. 

Sot prosesi konvoı sottalýshyny ýaqytynda alyp kelmegeni úshin keıinge qaldyryldy. 

Avtobýs júrgizýshisi Qazaqstan Respýblıkasy Qylmystyq kodeksiniń 345-baby boıynsha (Kólik quraldaryn júrgizý erejelerin buzý nemese kólik quraldaryn basqaratyn tulǵalardyń kólik quraldaryn paıdalaný) aıyptaldy.

Esterińizge salamyz, jol-kólik oqıǵasy aǵymdaǵy jyldyń 18-shi sáýirinde Tóle bı jáne Ótegen batyr kósheleriniń qıylysynda boldy.126-shy avtobýs  joldy kesip bara jatqan qyzdy qaǵyp ketken. Alǵan jaraqatynyń áserinen qyz bala oqıǵa orynynda qaza tapqan.