QR eks-premer-mınıstri Serik Ahmetov Qaraǵandy sotynan bostandyǵyn shekteý jazasyn aıyppulǵa aýystyrýdy surady, biraq keıin óz málimdemesin keri qaıtaryp aldy.

Jazany jeńildetý týraly ótinishin Serik Ahmetov 15 mamyrda Qazybek aýdandyq sotyna ótkizgen. Qujatta kórsetilgendeı, Ahmetovtyń advokaty sottan bostandyǵyn shekteý jazasyn aıyppulǵa aýystyrýdy ótingen. Alaıda ótinish hat keri qaıtaryldy. Munyń sebebi ázirge jarıalanǵan joq.

«Osy mazmundaǵy ótinish hat Ahmetovtyń advokatynan kelip túskeni ras. Biraq 23 mamyrda advokat sotqa kelip qazirgi ýaqytta ony qoldamaıtynyn aıtyp, ótinish hatty keri qaıtaryp aldy. Sol sebepti sýdıa Manat Jumaqaeva ótinish hatty qaraýsyz qaıtaryp berdi. 24 mamyrda sýdıa tıisti qaýly shyǵardy», - delingen sottyń baspasóz qyzmetinde.

Aıta keteıik, Serik Ahmetov 2015 jyldyń jeltoqsanynda 10 jylǵa bas bostandyǵynan aıyrylyp, dúnıe múlki tárkilengen. Buǵan deıin 2,2 mıllıard teńge kóleminde memleketke keltirilgen shyǵyndy ótedi. Sonyń arqasynda sot eks-premerdiń jazasyn 10 jyldan 8 jylǵa deıin qysqartty. Byltyr qańtarda amnıstıaǵa ilikkeni belgili boldy. 2017 jyldyń 21 qyrkúıeginde Serik Ahmetov bostandyqqa shyqty.