Memleket basshysy Nursultan Nazarbaev Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady dep habarlaıdy Aqordanyń baspasóz qyzmeti.
Kezdesý barysynda Elbasyǵa agenttiktiń memlekettik qyzmet salasyndaǵy atqarǵan jumystary men sybaılas jemqorlyqqa qarsy is-qımyl boıynsha qoldanǵan sharalary jóninde esep berildi.
Nursultan Nazarbaevqa faktorly-baldyq tólem júıesiniń memlekettik qyzmetke engizilýi jónindegi pılottyq jobanyń iske asyrylý barysy týraly da baıandaldy.
Qazaqstan prezıdenti jemqorlyqqa qarsy kúrestiń tıimdiligin arttyrýdyń mańyzdylyǵyna erekshe nazar aýdaryp, tıisti aldyn alý sharalaryn júrgizý qajettigin aıtty.
"Barlyq salada jemqorlyqqa qarsy kúres kúsheıtilýge tıis. Birinshiden, tıisti monıtorıń júrgizip, memlekettik qyzmet kórsetýdi sıfrlyq formatqa kóshirý jumystaryn jalǵastyrý qajet. Ekinshiden, memlekettik qyzmetshilerdiń jalaqysy jónindegi máseleni sheshý kerek. Úshinshiden, basshylyqtyń jaýapkershiligin arttyrý mańyzdy", – dedi memleket basshysy.
Kezdesý barysynda Alık Shpekbaev jemqorlyqqa qarsy saıasatty júzege asyrý jolynda qoldanylyp jatqan sharalar men ony halyqaralyq sarapshylar qoǵamdastyǵynyń baǵalaý nátıjeleri týraly málimet berdi.
