Bala quqyqtary jónindegi ýákil Zaǵıpa Bálıeva OQO-daǵy zorlandy degen balanyń isine qatysty pikir bildirdi.
Óz sózinde Bálıeva jýrnalıser men qoǵamnan bul máseleni qazbalaı bermeýlerin ótindi.
«OQO-daǵy balaǵa qatysty – men bul taqyrypty qaıta-qaıta qazbalaı bermeýlerińizdi suraımyn. Qazirgi ýaqytta tergeý júrip jatyr. Tarazdyq jasóspirimge qatysty is te qaralyp jatyr. Ol iske bas prokýratýra aralasyp, ispen tanysý ústinde. İs nátıjelerin ózimiz sizderge habarlaımyz», - dedi ombýdsmen balalardyń quqyǵyn qorǵaý máselesine arnalǵan IýNISEF konferensıasynyń úzilisinde.
Aıta keteıik, Ońtústik Qazaqstan oblysynyń jeti jasar turǵynyna baılanysty oqıǵa qoǵamdyq rezonans týdyrǵan edi. Mektep oqýshysynyń ájesi nemeresiniń zorlanyp kelgenin aıtyp, qoǵamnan kómek suraǵan.
Al Saryaǵash aýdandyq bilim bólimi sot-medısınalyq saraptamasynyń atalmysh faktini joqqa shyǵarǵanyn aıtyp aqtaldy. Alaıda saraptama nátıjesine belsendiler men eriktiler kúmán keltirip, istiń tergelýin talap etti. Tergeý sharalaryna qazaqstandyq jáne sheteldik sarapshylar kiristi. Bala men ájesi jáne anasy qazirgi ýaqytta memleket qorǵaýynda.
