27 mamyr kúni 30 jastaǵy áıel azamattyq nekedegi kúıeýin janjal ústinde baýyzdap óltirgen, dep habarlaıdy Qamshy.kz aqparat agenttigi Soltústik Qazaqstan oblysy İİD baspasóz qyzmetine silteme jasap.
Beıresmı derekterge súıensek, er adam áıeline spırttik ishimdik satyp alýǵa aqsha berýden bas tartqan. Ashýǵa býlyqqan áıeli qolyna túsken sýyq qarýmen azamattyq nekedegi kúıeýin birneshe jerden pyshaqtaǵan. Alǵan jaraqattarynyń áserinen er adam oqıǵa ornynda jan tapsyrǵan. Jergilikti polısıanyń málimetinshe, qazirgi tańda kisi óltirý faktisi boıynsha sotqa deıingi tergeý amaldary júrgizilip jatyr.
«Ótken jeksenbide Petropavl qalasynda "adam óltirý" faktisimen 30 jastaǵy áıel adam ustaldy. Ol óziniń azamattyq nekedegi kúıeýin pyshaqpen jaralap, baýyzdap óltirgen. Qazirgi tańda QR Qylmystyq kodeksiniń 99-babynyń 1-bóligine sáıkes sotqa deıingi tergeý amaldary júrgizilip jatyr", - dedi Soltústik Qazaqstan oblysy İİD baspasóz hatshysy Dınara Saǵyndyqova.
