Astanada tórt balanyń ákesi ushty-kúıli joǵalyp ketti,-dep habarlaıdy Qamshy.kz aqparat agenttigi Astana qalasynyń İİD baspasóz qyzmetine silteme jasap.

38 jastaǵy Qudiret Qalmanov 30 mamyrda túngi 23:00-de jumystan shyǵyp úıine ketken. Týystarynyń aıtýy boıynsha ol qurylys nysanynda túngi aýysymda jumys isteıdi. Sol túni júkti áıeliniń tolǵaǵy bastalyp úıine suranǵan. Alaıda sol ketkennen keıin jumysyna da, óz úıine de oralmaǵan. 

Qaryndasynyń aıtýy boıynsha, Qudiret Qalmanov jaýapkershiligi mol azamat. "Búgin onyń tórtinshi perzenti ómirge keldi. Munymen qosa onyń bir úlken uly jáne eki qyzy bar. Ol otbasy úshin bárine daıyn", - dedi qaryndasy.

Sonymen qatar, áıel adam aǵasynyń sońǵy ret Baraeva jáne Ýalıhanov kósheleri ornalasqan aýdanda bolǵanyn atap ótken.

Taralǵan aqparatqa súıensek, Qudiret Qalmanov qara bylǵary kúrteshede bolǵan. Kepka, qara shalbar, qara sur tústi fýtbolka, qara týflı kıgen. 

"Belgileri: boıy 170 sm, kózi jasyl sur tústi, shashy qara, ortasha dene pishimdi. Osy belgiler boıynsha qolynda aqparat bar azamattarǵa tómendegi nómirlerine habarlasýyn  suranamyz: 8 705 550 84 25, 8 702 905 04 72 nemese 102",- dep jazylǵan habarlamada.

Astana qalasynyń İİD-nyń baspasóz qyzmeti joǵalǵan azamattyń ornalasqan jerin tabý úshin arnaıy izdestirilý jumystary júrgizilip jatqanyn habarlady.