6 maýsymda Qazaqstannyń basym bóliginde jaýyn-shashynsyz aýa raıy kútiledi, tek batysta atmosferalyq aǵyndardyń ótýine baılanysty keı jerlerde ótkinshi naızaǵaıly jańbyr jaýady. Keı jerlerde jel kúsheıip, soltústikte túnde jáne tańerteń tuman kútiledi, dep habarlaıdy Qazgıdromet. 

Soltústik Qazaqstan oblysynyń keı jerlerinde kúndiz jel 15-20 m/s, ekpini 23 m/s kúsheıip, keı jerlerde túnde jáne tańerteń tuman kútiledi.

Aqmola, Mańǵystaý oblystarynyń keı jerlerinde jeldiń jyldamdyǵy 15-20 m/s-ke  údeıdi.

Kúndiz Batys Qazaqstan, Atyraý, Aqtóbe, Qostanaı, Shyǵys Qazaqstan, Jambyl oblystarynyń keı jerlerinde jel 15-20 m/s kúsheıedi.

Kúndiz Qyzylorda, Atyraý, Qaraǵandy oblystarynyń keı jerlerinde aptap ystyq kútiledi.

Mańǵystaý, Atyraý, Qyzylorda oblystarynyń basym bóliginde, Batys Qazaqstan, Aqtóbe, Ońtústik Qazaqstan, Jambyl, Shyǵys Qazaqstan oblystarynyń keı jerlerinde óte joǵary órt qaýpi kútiledi.