Astanada memleket basshysy Nursultan Nazarbaevtyń basshylyǵymen sheteldik ınvestorlar keńesiniń 31-shi plenarlyq otyrysy bastaldy, dep habarlaıdy Qamshy.kz aqparat agenttigi.

Kún tártibine úsh másele qoıylǵan. Birinshi - 30-shy keńestiń hattamalyq tapsyrmalarynyń esebi. Ekinshi – sheteldik taraptyń ınvestısıalyq saıasat máselesine arnalǵan usynystaryn qarap, energetıkaǵa, ekologıaǵa, munaı-gaz salasyna, adam kapıtalynyń damýyna baılanysty saýaldardy talqylaý. Sonymen qatar, búgingi plenarlyq otyrystyń negizgi saýaly – modernızasıa taqyryby bolyp otyr.

SHIK qurylǵaly beri Elbasynyń basshylyǵymen 30 plenarlyq otyrys ótip, onda eldegi sheteldik ınvestısıanyń quqyqtyq rejımi, Qazaqstandaǵy sot júıesin damytý, salyq salý júıesin ońtaılandyrý jáne sheteldik jumys kúshin tartý, QR ınvestısıalyq ımıjin jaqsartý, bolashaq energetıkasy syndy birqatar máseleler qaraldy.

Sheteldik ınvestorlar keńesi – 1998 jyly QR Úkimeti men shetel ınvestorlarynyń arasyndaǵy tikeleı dıalogty damytý maqsatynda qurylǵan.

SHIK quramyna 31 iri transulttyq shetel kompanıalary men halyqaralyq uıymdar tirkelgen.