QR densaýlyq saqtaý mınıstri Eljan Birtanov Almatyǵa ushyp bardy, dep habarlaıdy 24.kz.

Áýejaıdan túse salǵan bette at basyn Talǵarǵa burǵan Eljan Amantaıuly qaladaǵy ortalyq aýrýhananyń jaı-kúıimen tanysyp, naýqastardyń jaǵdaıyn bildi. Sońǵy 2 kúnde Talǵar qalasynda 300-ge jýyq adam jedel járdem shaqyrtqan. Solardyń ishinde tek 30-y ǵana aýrýhanaǵa jetkizilgen eken. Osy tusta mınıstr aýrýhana qyzmetkerlerine qatań eskertý jasap, naqty tapsyrmalar júktedi.

«Eski júıe boıynsha jumys jasaýdy toqtatý kerek. «Densaýlyq» memlekettik baǵdarlamasynda bári jazylǵan. Sondyqtan dárigerler naýqasty ary-beri jyljytpaı barlyq qajetti ıntensıvti terapıany osy jerden berý kerek», - degen Mınıstr menıngokok ınfeksıasyn juqtyryp qaıtys bolǵan 5 jasar bala men 19 jastaǵy qyzdyń ólimine qatysty másele boıynsha qazir Densaýlyq saqtaý komıteti saraptama júrgizip jatqanyn jetkizdi. Jáne kinálilerdiń barlyǵy zań boıynsha jaýapqa tartylatynyn eskertti.

«Jalpy elimizde menıngıtke qarsy sharalar halyqaralyq standarttarǵa sáıkes júzege asyrylyp jatyr. Biraq halyqqa túsindirý jumystary tym baıaý. Sondyqtan qoǵamda osyndaı alańdaýshylyq týyp otyr», - degen sala basshysy endi Almaty qalasy men Qaskeleńdegi arýhanalardy aralaýdy josparyna engizdi.

Eljan Birtanov, QR densaýlyq saqtaý mınıstri:

- Buryn jaǵdaıda tek ǵana gazet bolǵan. Odan keıin gazet pen televıdenıe bolǵan, odan keıin ınternet portaldar, qazir áleýmettik júıeler, feısbýk, Tvıtter sonymen qazir halyqta aqparat kóp. Kóp jaǵdaıda durys túsinbeıdi. Árıne arnaıy mamandyq bilimi bolmaǵannan keıin tikeleı osyndaı jaǵdaıda sizderdi mazalaıdy. Biz túsinemiz. Qazirgi kúnderde jumystardy durystap uıymdastyryp mamandardy qoldap, men kórip otyrmyn búkil múmkindikter bar.