9-mamyr Jeńis kúni — búkil dúnıe júzi boıynsha úlken meıram. Shapqynshylyqtyń jolyn kesip, beıbitshiliktiń týyn tikken dana qarıalarymyzǵa degen eldik saǵynysh pen qurmet eshqashan sarqylmaıdy. Jylda Qazaqstannyń ár túkpirinde surapyl soǵys kezinde el tynyshtyǵy úshin erlik jasap, qyrshyn ketken ardagerlerimizdiń portretin ustaǵan myńnan astam adam qalanyń ortalyq alańyna shyǵyp, erjúrek maıdangerlerimizdi maqtanyshpen eske alady. Bıyl da bul úrdis Semeı shaharynda jalǵasyn taýyp, myńdaǵan qala turǵyndary maıdanda qaza tapqan batyr atalary men apalarynyń sýretin ustap ortalyq alańǵa jınaldy.

Sondaı-aq, Máńgilik dańq polkiniń sherýinde sap túzegen jas Otan qorǵaýshylardyń legi merekelik jıynnyń kórkin odan ary ajarlandyra tústi. «Máńgilik polktiń» sherýinde «Meniń atam, meniń apam olar batyr kisiler bolǵan» dep qýanyp aıtyp júrgen, Uly otan soǵysynyń qaharmandarynyń sýretterin joǵary kótergen kishkentaı búldirshinderimizdiń sany óte kóp boldy.

Al, jýrnalıserge atasynyń erligin áńgimelep bergen Alına qaryndasymyz barlyq soǵys ardagerlerin Jeńis merkesimen quttyqtady.

Áskerı salada abyroıly qyzmet atqaryp júrgen bir top azamat bolsa, túrli asapatardyń súıemeldeýimen «Den pobedy» ánin oryndap, birneshe shaqyrymdy jaıaý júrip ótti.