AQSH pen Soltústik Koreıa dıplomattary 6 maýsymda Ońtústik Koreıa men Soltústik Koreıa shekarasyndaǵy Phanmýndjom eldi mekeninde Sıngapýrde ótetin samıtke daıyndyqty talqylaý úshin taǵy da jumys babymen kezdesti.
Ońtústik koreıalyq Yonhap agenttiginiń habarlaýynsha, AQSH delegasıasyn osy eldiń Fılıppındegi elshisi ári Soltústik Koreıanyń ıadrolyq baǵdarlamasy boıynsha burynǵy arnaıy ókili Son Kım, al Soltústik Koreıa delegasıasyn syrtqy ister mınıstriniń orynbasary Chhve Son Hı bastap barǵan.
Osyǵan deıin Soltústik Koreıa men AQSH ókilderi samıtke daıyndyqty pysyqtaý úshin bes ret jumys babymen kezdesken.
AQSH prezıdenti Donald Tramp ótken aptada 12 maýsymda Sıngapýrde Soltústik Koreıa basshysy Kım Chen Ynmen kezdesetinin rastaǵan. Tramp buǵan qosa ázirge samıt kezinde qandaı da bir qujatqa qol qoıý jospary joǵyn aıtqan. AQSH prezıdentiniń sózinshe, ol budan bylaı Soltústik Koreıaǵa "barynsha qysym kórsetý" termınin qoldanǵysy kelmeıdi.
