Alǵash ret Qazaqstandyq ýnıversıtet - ál-Farabı atyndaǵy QazUÝ álemdegi 800 eń úzdik ýnıversıtetter arasynda 220 orynǵa ıe bolyp, QS «World University Rankings» halyqaralyq reıtıńisinde taǵy 16 orynǵa alǵa shyqty. Reıtıń júrgizýshilerdiń saıtynda QazUÝ týraly "Ál-Farabı atyndaǵy Qazaq Ulttyq Ýnıversıteti (QazUÝ) Qazaqstan Respýblıkasyndaǵy jetekshi joǵary oqý orny jáne Ortalyq Azıadaǵy úzdik ýnıversıtetterdiń biri. Ýnıversıtet 2014 jyly 80 jyldyq mereıtoıyn atap ótti. Búgingi kúni QazUÝ túlekteri arasynan eń úzdik qazaqstandyq ǵalymdar shyqqan, sondaı-aq kóptegen mınıstrlerdi, shendilerdi, top-menedjerlerdi, parlament múshelerin, Ulttyq korporasıalar basshylaryn jáne Olımpıada chempıondaryn osy ýnıversıtet tárbıeledi. QazUÝ stýdentteri Pekın-2008, London-2012 jáne Rıo-2016 Olımpıada oıyndary boıynsha úzdik nátıje kórsetti.
Ýnıversıtet Birikken Ulttar Uıymyn qoldaýǵa baǵyttalǵan BUU-nyń «Akademıalyq yqpaly» baǵdarlamasynyń turaqtylyǵyna arnalǵan birinshi ýnıversıtetter boldy. BUU qoldaýymen Ál-Farabı atyndaǵy QazUÝ «BUU modeli - jańa Jibek joly» atty búkilálemdik stýdenttik baǵdarlamanyń bir bóligi boldy", - dep anyqtama berilgen.
QS «World University Rankings» halyqaralyq reıtıńine postkeńestik keńistikten tek eki ýnıversıtet kiredi: QazUÝ jáne Lomonosov atyndaǵy Máskeý memlekettik ýnıversıteti (RF).
Elbasy Qazaqstannyń joǵary oqý oryndaryna álemdegi eń úzdik 200 JOO qataryna kirý mindetin qoıyp otyr. QazUÝ álemdik keńistikte moıyndalǵan elimizdiń jetekshi ýnıversıteti retinde osy mańyzdy memlekettik tapsyrmany iske asyrýda maqsatty jumys atqarýda. Sońǵy bes jylda ýnıversıtet «QS WUR» reıtıńisinde 400-den astam pozısıaǵa kóterildi. Álemdik tájirıbede birde-bir ýnıversıtet osyndaı ósý dınamıkasyna qol jetkizbegen!
QS álemdegi barsha memlekettermen tanylǵan bedeldi jáne kóptegen jyldar boıy álemdegi úzdik joǵary oqý oryndarynyń jahandyq reıtıńisin júrgizip kele jatqan yqpaldy halyqaralyq agenttikterdiń biri ekendigi málim.
QazUÝ-dyń osy reıtıńide tabysty ilgerileýiniń mańyzdy faktory keń aýdymqy qurylymdyq modernızasıa, nátıjege baǵyttalǵan basqarýdyń joǵary tıimdiligi, sondaı-aq sońǵy bes jyl ishinde 40 paıyzǵa ósken biregeı ınfraqurylymnyń qarqyndy damýy bolyp tabylady. Álemdik deńgeıdegi zertteý ýnıversıtetine aınalý baǵytyn saqtaı otyryp, QazUÝ medısına-bıologıalyq jáne ınovasıalyq İT klasterin qalyptastyrý boıynsha jumys jasaýda, onyń negizin jańa sýperkompúter quraıtyn bolady.
Ýnıversıtettiń álemdik deńgeıde tanylýy sonymen birge QazUÝ-dyń turaqty damý boıynsha BUU-nyń «Akademıalyq yqpal» baǵdarlamasynyń Ǵalamdyq haby retinde belsendi qyzmetimen jáne onyń halyqaralyq jobalarymen de baılanysty. Olardyń ishinde QazUÝ usynǵan ınovasıalyq-tehnologıalyq jáne rýhanı-adamgershilik platformalardyń sımbıozyna negizdelgen «Ýnıversıtet 4.0» jańa býyn ýnıversıtetiniń modeli bar.
Búginde QazUÝ-dyń tańǵalarlyq tájirıbesin álemniń jetekshi ýnıversıtetteri zertteý ústinde, bul ýnıversıtettiń joǵary básekege qabilettiliginiń kórsetkishi bolyp tabylady. Jetekshi qazaqstandyq joǵary oqý ornynyń álemdik ǵylymı-bilim berý keńistigindegi artyp kele jatqan rólin eskere otyryp, «QS Worldwide» Atqarý keńesi 2019 jyldyń qyrkúıeginde ál-Farabı atyndaǵy QazUÝ negizinde búkilálemdik forým jáne joǵary oqý oryndarynyń halyqaralyq kórmesin ótkizý týraly sheshim qabyldady. Osyndaı aýqymdy is-sharany ótkizý Qazaqstannyń ósip kele jatqan bedelin aıǵaqtaıdy jáne eldiń joǵary bilim berý júıesin álemde alǵa jyljytýǵa yqpal etetin bolady.
