Nursultan Nazarbaev Qytaıǵa jasaǵan saparynyń úshinshi kúninde SHYU-nyń samıtinen soń jýrnalısermen brıfıń ótkizdi, dep habarlaıdy Qamshy.kz aqparat agenttiginiń tilshisi.
Brıfıń barysynda eki el arasyndaǵy baılanys pen samıtte qozǵalǵan máseleler talqylandy.
SHYU samıtinde Elbasy uıymǵa múshe elder ózara saýda-sattyqty ulttyq valútamen júzege asyrý kerek degen bolatyn. Memleket basshysy brıfıńte osy usynys aıasynda júrgiziletin jumystar týraly baıandady.
- Bul burynnan kóterilip júrgen másele. Qytaı men Reseı arasyndaǵy saýda-sattyq byltyr 80 mıllıard AQSH dollaryn qurady. Ózderińiz biletindeı Amerıka dollary óte qyrsyq valúta. Olar qashanda oıyna ne kelse sony isteıdi. Sol sebepti, ózimizge senimdi bolý úshin Qytaı men Qazaqstan arasyndaǵy saýdany biz teńgemen, ıýánmen júrgizsek tıimdi bolar edi. Olar bizden teńgemen satyp alsa, biz olardan ıýánmen satyp alamyz. Ol úshin osy volútalardyń bazasyn qurýymyz kerek. Bankterde osyndaı qarajat bolý kerek. Depozıtterimiz bolý kerek. Atalǵan bastamanyń paıdasy mol. Bizde tipti Reseımen de osyndaı tásilge kóshemiz degen oı bar. Bul máselege baılanysty úlken jumystar júrgizilip jatyr. Árıne tolyǵymen osy tásilge kóshpeımiz. Sebebi batys elderinen taýar ımporttaıtyn bolsaq dollar bizge qajet bolady. Eki tásildiń de biz úshin paıdasy kóp. Árıne barlyǵy birden júzege aspaıdy. Degenmen SHYU-ǵa múshe elderdiń barlyǵy bul tásilmen tolyq kelisip otyr. Endigi jumys qarjygerlerdiń moıynynda. Olar osy másele boıynsha naqty sharýalar atqaryp, bizge usynystaryn ázirleýi tıis, - dedi Nursultan Nazarbaev óz sózinde.
