Nurlan Nyǵmatýlınniń tóraǵalyq etýimen májilistiń plenarlyq otyrysynda birqatar memlekettik fýnksıalardy básekelestik ortaǵa berý týraly zańnamalyq ózgerister qaraldy, dep habarlaıdy Qamshy.kz aqparat agenttigi. 

Zań jobasynda halyqtyń densaýlyǵy jáne densaýlyq saqtaý júıesi týraly kodekske túzetýler engizý qarastyrylǵan. Oǵan sáıkes azamattardyń medısınalyq kómek sapasyna qanaǵattaný deńgeıin anyqtaý memlekettik áleýmettik tapsyrys arqyly úkimettik emes uıymdarǵa berilýi usynyldy.

«Azamattardyń medısınalyq kómekke qanaǵattanýyn azamattyq qoǵam ınstıtýttary baǵalaǵany durys. Mınıstrliktiń nazar aýdaratyn basqa da máseleleri jetip jatyr. Eń aldymen, medısınalyq kómekti sapaly uıymdastyrýdy qolǵa alý kerek», - dedi májilis spıkeri.

Sonymen qatar Nyǵmatýlın úkimettik emes uıymdar Densaýlyq saqtaý mınıstrligine ár túrli jaǵdaılarda jyldam áreket etýge kómektesetinin atap ótti.