Astanada 2018-2019 jyldary 10 myńnan asa aqyly kólik turaqtaryn ashý jorparlanýda. Bul týraly «Astana qalasy kólik keńistigin basqarý» JSHS habarlady.
«Búkil elorda aýmaǵynda 2019 jylǵa deıin 10 myńnan asa avtokólik turaqtaryn ashýdy josparlaýdamyz. Ol turaqtardyń qaı jerde ashylatynyn qala ákimdigi anyqtaıtyn bolady», – dedi kompanıa ókili.
Bas qaladaǵy aqyly turaq keńistigi retinde Nurjol býlvary tańdaldy. Ol jerdiń aqyly turaq retinde tańdalýynyń ózindik sebepteri bar.
«Nurjol býlvary kólik eń tyǵyz ornalasqan meken. Nege deseńiz, osy aýmaqta elordadaǵy basty ákimshilik mekemeler men iri oıyn-saýyq ortalyǵy bar. Sol sebepten únemi kólik keptelisi men oryn tapshylyǵy týyndaıtyny bárimizge belgili», - dedi «Astana qalasy kólik keńistigin basqarý» JSHS-niń qyzmetkeri.
Onyń aıtýynsha, aqyly turaqtar elordadaǵy transport salasynda keleńsizdikterdi sheshýdiń órkenıetti túri. Bul ásirese kólik keptelisi qatty kúsheıip ketken kezde óz paıdasyn tıgizedi. Al, bas qalamyz burynnan beri osyndaı kólik qoıatyn keńistikke muqtaj bolyp kelgen edi.
Astana qalasynyń ákimdiginiń bekitýi boıynsha, «Altyn qyran» jáne «Halyq qaharmany» ordenderimen nagradtalǵan adamdar, bala kezinen múgedekter men I jáne II toptaǵy múgedekter, Uly Otan soǵysynyń ardagerleri men urys qımyldaryna qatysqandarǵa, mekemelerde qyzmet ótkergen áskerı qyzmetshilerge, «Altyn alqamen» jáne «Kúmis alqamen» nagradtalǵan jáne t.b. marapattalǵan kóp balaly analarǵa, Semeı synaq ıadrolyq polıgonynda ıadrolyq synaqtar saldarynan zardap shekken adamdarǵa, aqyly turaqtar tegin.
Aıta keteıik, Astanada 2018 jyldyń 15 qańtarynda Nurjol býlvarynda aqyly turaq iske qosylǵan bolatyn. Jobanyń jalpy kólemi 20 jyldy qamtıdy. Onda birqatar jeńildikter qarastyrylǵan. Tólem júıesi bolsa qolma qol jáne kartochkalyq formatta júzege asady. Buǵan qosa, turaq aqysyn tóleýdiń barlyq tásilderimen 2888.kz saıtynyń "Tóleý tásilderi" bóliminde tanysa alasyz. Aıyppul mólsheri: turaq aqysyn tóleýden jaltarǵan adamǵa 3 AEK mólsherinde aıyppul salynady, al mundaı jaıt bir jyl ishinde taǵy qaıtalanǵan bolsa, aıyppul mólsheri 5 AEK quraıdy.
Habdýlhabar Janna Rınatqyzy
