Úkimet basshysy Baqytjan Saǵyntaev Túrkistan óńiriniń aktıvine oblys ákimin tanystyrdy. Bul laýazymǵa buǵan deıin Ońtústik Qazaqstan oblysyn basqarǵan Janseıit Túımebaev taǵaıyndaldy, dep habarlaıdy Qamshy.kz aqparat agenttigi.
Janseıit Qanseıituly Túımebaev 1958 jyly dúnıege kelgen. Túrkistan oblysynyń ákimi Shymkenttegi shopandardyń balalaryna arnalǵan mektep-ınternatynda bilim alǵan.
Qazaq memlekettik ýnıversıtetin, Máskeý memlekettik áleýmettik ýnıversıtetiniń zan fakúltetin bitirgen. Eńbek jolyn 1980 jyly Qazaq memlekettik ýnıversıtetiniń asıstenti bolyp bastaǵan.
Túrli laýazym qyzmetterdi atqarǵan ol 2007-2010 jyldar aralyǵynda QR Bilim jáne ǵylym mınıstri bolǵan.
2016 jyldyń qazan aıynan osy kúnge deıin Ońtústik Qazaqstan oblysyn basqardy. Al oǵan deıin Qazaqstannyń Túrkıa elindegi tótenshe jáne ókiletti elshisi boldy.
