Túrkıa Prezıdenti Rejep Taıyp Erdoǵan kezekti prezıdenttik saılaýda alǵashqy týrda jeńiske jetti, dep habarlaıdy Qamshy.kz aqparat agenttigi. 

Búletenderdiń 96 paıyzy sanalǵandaǵy resmı nátıje boıynsha, Erdoǵan 52 paıyz daýys jınaǵan. 

Parlament saılaýynda da Erdoǵannyń "Ádilet jáne damý" partıasy (AKP) 42,49 paıyz daýys jınap, parlamenttegi 293 oryndy ıelendi.

Ulttyq qozǵalys partıasy (MHP) 11,19 paıyz daýys jınap, 49 oryndy ıelendi. Jalpy esepte "Ulttyq aláns" partásy 342 orynǵa ıe boldy.

Respýblıkalyq halyqtyq partıasy (CHP) 22,7 paıyz jınap, 146 orynǵa ıe boldy. 1,4 paıyz daýys jınaǵan "Felısıtı" partıasy (SP) bir de bir orynǵa ilikpedi.

Osylaısha, "Ult" alánsy parlamenttegi 192 orynǵa taban tiredi.
Kúrdshil Halyqtyq demokratıalyq partıa (HDP) 11,2 paıyz daýys jınap, parlamentten 66 oryn tıdi.

Túrkıanyń bir palataly parlamentinde 600 oryn bar.