Atyraýdaǵy 40 jetim bala jáne az qamtylǵan otbasylardyń balalary jazǵy demalystaryn Italıada ótkizedi.
Balalardyń shetelge baryp demalýlaryna joldamany Atyraý oblysynyń bilim basqarmasy qamtamasyz etýde, dep habarlaıdy Atyraý oblystyq Óńirlik komýnıkasıalar qyzmeti.
Atyraý qalasynyń halyqaralyq áýejaıynan 40 jetim jáne ata-anasynyń qamqorlyǵynsyz qalǵan balalar Italıanyń Chezenatıko qalasynda ornalasqan jazǵy demalysqa attandy. Balalardy qamqorshylary men dostary shyǵaryp saldy.
Italıadaǵy eki aptalyq demalysqa oblystyq bilim berý basqarmasy qarajat bólgen.
«Shańyraq» otbasylyq tıptegi balalar aýylynyń tárbıelenýshilerine 7 bılet berildi; 32 joldama qalalyq jáne aýdandyq bilim berý bólimderiniń qamqorshy jáne qamqorlyqtaǵy balalarǵa, sondaı-aq, patronattyq tárbıedegi balalarǵa, 1 joldama №4 oblystyq sanatorlyq-ınternatynyń tárbıelenýshisine berildi.
Balalardy Atyraý qalasyndaǵy №12 orta mekteptiń muǵalimderi, daryndy balalarǵa arnalǵan oblystyq mektep-ınternatynyń ustazdary, sondaı-aq aǵylshyn tilin jetik meńgergen aǵa oqytýshylar jetekshilik etip barady.
Men úshin bıylǵy jazǵy demalysym óte qyzyqty bolatynyna óte qýanyshtymyn. Bul saparda jańa dostar tabamyn, aǵylshyn tilin tereńirek meńgerip, sáýlet eskertkishterin kóretin bolamyn. Italıadaǵy umytylmas jáne ádemi oryndardy kóremin. Sapardan alǵan áserim, men úshin ómir boıy esimde qalatyn bolady,- deıdi № 12 orta mekteptiń oqýshysy Ásemaı Nurjigitova.
Balalardyń «Adjıp Karachaganak B.V.» kompanıasynyń áleýmettik jaýapkershiligine baılanysty sheteldik lagerde demalýǵa múmkindikter aldy. Italıada jazǵy demalys kúnderi 3 shildege deıin jalǵasady.
