Prezıdent Nursultan Nazarbaevtyń nemeresi, Darıǵa Nazarbaevanyń jalǵyz qyzy Venera turmysqa shyqty. Toı Almatyda 23 maýsymda ótti.
Venera ataqty Shaıjúnisovter áýletiniń urpaǵy Dalenmen nekelesti. Dalen Almatyda týyp ósti, ál-Farabı atyndaǵy Qazaq ulttyq ýnıversıtetiniń zań fakúltetin bitirgen.
Venera – qazirgi tańda stýdent, anasy Darıǵa Nazarbaeva bastaǵan qaıyrymdylyq aksıalarymen aınalysady.
Venera men Dalen eki jyl buryn tanysyp, jaqyn aralasqan kórinedi. Bıyl mamyrdyń basynda eki jas nekelerin qıǵan.
Al toı Almatydaǵy Ritz-Carlton qonaq úıiniń saltanat saraıynda ótti. Sharaǵa jastardyń eń jaqyn týystary men dostary jınaldy. Elbasy men Qazaqstan Respýblıkasynyń birinshi hanymy Dalen men Veneraǵa aq batalaryn berip, baqytty otbasylyq ómir jolynda sáttilik tiledi.
Úılený toı qazaqy salt-dástúrlerge saı ótti. Toıǵa Darıǵa Nazarbaevanyń dosy, shyǵarmashylyq seriktesi Fılıpp Kırkorov kelip, jastarǵa erekshe syı tartý etti.
Darıǵa Nazarbaevanyń otbasynda Veneradan bólek eki ul ósip jatyr. Biri Asyljan 7 jasta, sonymen qatar nemeresi Sultan da 7 jasta.
