Germanıa kansleri Angela Merkel Brúúselde Eýropa Odaǵy (EO) elderi basshylarynyń beıresmı kezdesýinde mıgrasıa máselesi boıynsha ekijaqty jáne úshjaqty kelisimge qol jetetininen úmitti ekenin aıtty. Merkel osy aptada ótetin mıgrasıalyq saıasat boıynsha samıtte EO-nyń 28 eli birdeı kelisimge kelýi ekitalaı ekenin moıyndaıdy.

Fransıa prezıdenti Emmanýel Makronnyń sózinshe, EO-daǵy mıgrasıalyq daǵdarys saıası daǵdarysqa ulasty. EO-nyń syrtqy shekarasyn qorǵaý ǵana emes, EO-nyń óz ishindegi mıgrasıalyq aǵyndy retteý ózekti máselege aınalyp otyr. Ol ásirese Italıanyń mıgrasıalyq saıasatyn reformalaý keregin aıtady. Bul el sońǵy ýaqytta Afrıka elderinen teńiz arqyly bosqyndardy elge kirgizbeı otyr. Ortalyq Eýropa elderiniń kóbi EO aıasynda bosqyndardy qaıta bólý saıasatyna úzildi-kesildi qarsy.

EO elderi arasynda kelisimniń joqtyǵy Germanıanyń ózinde Merkeldiń bıligin álsiretýi múmkin. Bul elde mıgrasıalyq máselege baılanysty úkimette daǵdarys týyndaý qaýpi bar.

Brússeldegi EO samıti 28-29 maýsym kúnderi ótedi.