Qazaqstan Respýblıkasynyń Prezıdenti Nursultan Nazarbaev buqaralyq aqparat quraldary salasyndaǵy syılyqtaryn berý, granttaryn tapsyrý jáne alǵysyn jarıalaý týraly ókimge qol qoıdy, dep habarlaıdy Qamshy.kz aqparat agenttigi.
"Eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarıalaý jónindegi qoǵamdyq komısıanyń usynymyn qaraı kelip,
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary
- «informburo.kz» ınternet-portalynyń bas redaktoryna otandyq buqaralyq aqparat quraldaryn jáne aqparattyq-saraptamalyq elektrondy resýrstardy damytýǵa qosqan úlesi úshin Dorofeev Mıhaıl Vıktorovıchke;
- «Astana» respýblıkalyq telearnasynyń bas dırektoryna qazaqstandyq jýrnalısıkany jáne ulttyq televıdenıeni damytýǵa qosqan eleýli úlesi úshin Tanysbaı Lázzat Muratqyzyna beriledi.
Buqaralyq aqparat quraldary salasyndaǵy granttar:
- «Habar» respýblıkalyq telearnasynyń saraptamalyq baǵdarlamalar bóliminiń tilshisine Memleket basshysynyń qyzmetin jan-jaqty ári sapaly jarıalap-kórsetkeni úshin Ádilova Aıgúl Nurhanqyzyna;
- «Qazaqstan» ulttyq telearnasy aqparattyq-saraptamalyq baǵdarlamalar dıreksıasy dırektorynyń orynbasaryna otandyq televıdenıedegi aqparattyq-saraptamalyq baǵdarlamalardy ilgeriletý isinde qol jetkizgen kásibı jetistikteri úshin Jıenáli Meıirjan Álibekulyna tapsyrylady.
Buqaralyq aqparat quraldary salasyndaǵy Prezıdenttiń alǵysy
- otandyq televızıalyq jýrnalısıkany damytýǵa qosqan úlesi úshin «Almaty» telearnasynyń shyǵarmashylyq ujymyna;
- Astananyń áleýmettik-ekonomıkalyq jáne mádenı-gýmanıtarlyq damýyndaǵy mańyzdy taqyryptar men negizgi máselelerdi jarıalap-kórsetýge qosqan erekshe úlesi úshin «Astana aqshamy» respýblıkalyq qoǵamdyq-saıası gazetiniń shyǵarmashylyq ujymyna;
- elimizdiń óskeleń urpaǵyn tárbıeleý isine jáne qazaqstandyq patrıotızmdi nyǵaıtýǵa qosqan zor úlesi úshin «Baldyrǵan» respýblıkalyq balalar jýrnalynyń shyǵarmashylyq ujymyna;
Qazaqstandaǵy Ózbekstan jylyn jáne túrli salalardaǵy Qazaqstan-Ózbekstan yntymaqtastyǵyn damytý máselelerin jarıalap-kórsetkeni úshin «Ózbekstannyń ulttyq teleradıokompanıasy» shyǵarmashylyq ujymyna jarıalandy", - delingen habarlamada.
Esterińizge salsaq, baılanys jáne aqparat salasy mamandarynyń kásibı merekesi Qazaqstanda 28 maýsymda atap ótiledi. Osyǵan deıin QR Memlekettik hatshysy Gúlshara Ábdiqalyqova BAQ salasy boıynsha Elbasynyń syılyǵyna ıe bolǵandar 4 mıllıon, al grant ıegerleri 3 mln 215 myń teńgeden alady dep málimdegen bolatyn.
