BAQ ókilderiniń kásibı merekesi qarsańynda «Almaty» telearnasynyń ujymy otandyq jýrnalısıka salasynyń damýyna qosqan úlesi úshin QR Prezıdentiniń Alǵys hatymen marapattaldy.
Buǵan deıin QR Prezıdentiniń baspasóz qyzmeti BAQ salasy boıynsha Memleket basshysynan jyl saıynǵy syıaqy men granttar jáne Alǵys hat alý úshin usynystar qabyldaýdyń bastalǵanyn habarlaǵan bolatyn.
Aıta ketý kerek, redaksıa ujymy kún saıyn Almaty men Astananyń jáne el óńirleriniń mańyzdy jańalyqtaryn tikeleı efır arqyly kórermenderine der kezinde kórsetip keledi. «Almaty» telearnasy qala men eldiń ómiri týraly tek tekserilgen jáne obektıvti derekterge súıene otyryp, ekonomıkalyq, saıası, mádenı jáne áleýmettik mańyzy bar máselelerdi kóteredi.
Sońǵy 2,5 jylda arnanyń kúndelikti kórermender sany eki esege deıin ósip otyr. Osylaısha, buǵan deıin qalalyq telearna mártbesinde bolǵan «Almaty-TV» búginde respýblıkalyq deńgeıge shyǵyp, ózge de iri telearnalarmen birge básekelestik ortaǵa túsken.
Sonymen qatar, sońǵy 2 jylda telearna qarjylyq kórsetkishterin de jaqsartyp keledi. Al, tikeleı efır birneshe saǵattyq baǵdarlamalar kórsete alatyn deńgeıge jetip otyr. Budan ózge telearnanyń óz ónimderi – fılmder men teleserıaldar túsirilip, qalyń kórermenge jol tartty.
"Bizdiń eńbekti joǵary baǵalaǵany úshin alǵys aıtqym keledi. Biz básekege qabilettilikti jáne kontenttiń sapasyn arttyrý úshin odan ári de jumysymyzdy jalǵastyra beremiz", - dedi «Almaty» telearnasynyń bas dırektory Álibek Úsenuly.
ANYQTAMA:
«Almaty» telearnasy – «Ońtústik Astana» TRK» AQ-niń efırlik brendi. 1999 jyly qalalyq televızıa bazasynda qurylǵan. 2010 jyly aımaqtyq arnadan respýblıkalyq telearna bolyp ózgerip, 2016 jyldyń aqpan aıynda óńirlerdi tutas qamtıtyn ulttyq sıfrlyq habar taratýshylardyń tizimine engen. Efırden beriletin baǵdarlamalardyń 55% memlekettik tilde kórsetiledi. Telearnanyń Astana qalasynda tilshiler qosyny bar. Sonymen qatar, Túrkistan, Aqtóbe, Qaraǵandy, Qostanaı jáne Soltústik Qazaqstan oblystaryndaǵy seriktesterimen tyǵyz baılanys ornatqan.
«Almaty» telearnasy mobıldi, tehnologıalyq jáne ınovasıalyq telekompanıa bolýdy, sondaı-aq, eń úzdik iskerlik jańalyqtardy, tereń taldaý men saraptaýdy, sapaly mádenı jáne oıyn-saýyqtyq baǵdarlamalardy kórermenderine der kezinde jetkizýdi kózdeıdi.
