Qazaqstannyń astanasy men taǵy úsh óńirde kúshti jel bolyp, naızaǵaı oınap, nóser jaýyn jaýady, dep habarlaıdy Qamshy.kz aqparat agenttigi Qazgıdromet málimetine súıenip. 

Astanada 27-29 maýsymda naızaǵaı oınap, kúndiz burshaq jaýady. 27 maýsymda kúndiz jel kóteriledi.

27-29 maýsym aralyǵynda soltústikten, soltústik-batystan jyldamdyǵy sekýndyna 15 metr bolatyn jel soǵady.

Aqmola oblysynda 27-29 maýsym aralyǵynda keı jerlerde soltústikten jáne soltústik-batystan jel soǵyp, jyldamdyǵy sekýndyna 15-20 metr bolady. Ekpini 25 metrge jetip qalady.

Keı jerlerde naızaǵaı oınap, kúndiz jel kúsheıýi yqtımal. Keı jerlerge nóser jaýyn jaýady.

Qaraǵandy oblysynda 27-29 maýsym aralyǵynda jel kúsheıip, jyldamdyǵy sekýndyna 15-20 metr bolady. Naızaǵaı oınap, burshaq jaýýy yqtımal.

Qostanaı oblysynda 27 maýsymda kúndiz soltústikten jel soǵady. Keı jerlerde jeldiń jyldamdyǵy sekýndyna 15-20 metrge jetedi.