Qazir UBT taza "maıshelpekke" aınalǵanyn ekiniń biri biledi. "Balamnyń tabanyna kirgen shógir meniń mańdaıyma qadalsyn" deıtin ata-ana sońǵy tıynyn berse de balasyn jurttyń balasynan qaldyrmaýǵa tyrysady.

Baıanaýyl aýdanynyń eki laýazymdy qyzmetkeri men bir "nurotandyq" para berý baby boıynsha kúdikke ilindi. Parany alýshy ǵana emes, berýshi de qylmysker ekenin úsh sheneýnik te umytyp ketse kerek. Áńgime aýdan ákiminiń orynbasary men bilim bóliminiń basshysy týraly deıdi biletinder. "Baqsaq baqa eken" demekshi, UBT tapsyratyn oqýshylardan jınalǵan tórt mıllıon teńgeni komısıaǵa usynǵanda komısıa alýdan bas tartqan. Sóıtse, Baıanaýyl aýdany UBT-dan jınaǵan bal kórsetkishi boıynsha kórshi aýdandardan qalyp qoıypty. Basqa aýdandar ortasha deńgeıde 101,3 bal jınasa, Baıanaýyl 66 balmen kósh sońynda qalǵan. Al aýdannyń sheneýnikteri máseleni tıimdi sheshýdiń joly para berý dep túsinse kerek.

Bıyl mınıstrliktiń sheshimi boıynsha aýdan, qala mektepteriniń reıtıńisi mektep túlekteriniń tapsyrǵan test balyna qatysy joǵyn oblystyń "bas múǵalimi" Dinıslam Bolathanuly da qadap aıtty. Bul isti jergilikti bılik (aýdannan bastap oblystyq arada) barynsha jasyrýǵa tyrysyp otyr. Al sybaılas jemqorlyqqa qarsy kúres agenttigi tergeý bitken soń resmı málimdeme jasaıtyndaryn aıtýda.

Ońǵar Qabdenov