Áıelder úshin eń qaýipti memleketter qatarynda Úndistan birinshi orynǵa jaıǵasty dep habarlaıdy Qamshy.kz aqparat agenttigi The Thomson Reuters qorynyń saıtyna silteme jasap.

Saýalnamaǵa 550 sarapshy qatysqan.

Úndistan birneshe tarmaqtar boıynsha eń qaýipti elderdiń qatarynda birinshi sanatta. Olarǵa seksýaldy zorlyq faktileriniń kóptigi, adam saýdasy, seksýaldy quldyq jatady.

Aýǵanstan. Sarapshylardyń sheshimi boıynsha mundaǵy áıelder talıbterdiń quldyraýynan keıin 17 jyldan beri úlken problemalarǵa ushyraı bastaǵan. Aýǵanstan úsh tarmaq boıynsha áıelder úshin eń qaýipti memleket sanalady: seksýaldy zorlyq, medısınalyq kómek pen ekonomıkalyq resýrstarǵa qoljetimdilik.

 Jeti jyldan beri júrip jatqan azamattyq soǵystan keıin Sırıa úshinshi orynda keledi. Áıelderdiń ómiri munda seksýaldy zorlyq deńgeıiniń  joǵary bolýymen, otbasyndaǵy kúsh qoldaný áreketteriniń kóptigine baılanysty qaýipti sanalady.

Tórtinshi orynda Somalı. Bul densaýlyq saqtaýǵa qoljetimdilik boıynsha áıelder úshin úshinshi eń qaýipti el. Somalıdiń mádenı dástúrleri áıelderge qatal qaraýǵa múmkindik beredi. Sonymen qatar, munda áıelderdiń ekonomıkalyq resýrstarǵa qol jetimdiligi kúrdeli máselege aınalǵan.

Besinshi orynda Saýd Arabıasy. Sarapshylardyń pikirinshe, bul patshalyqta áıelderdiń ekonomıkalyq resýrstarǵa qoljetimdiligi tómen, kemsitý áreketteri kóp. Saýd Arabıasynda áıelder dinı jáne mádenı dástúrlerge baılanysty qıyndyqtarǵa jıi ushyraıdy.

Budan keıin Pákistan, Kongo, Iemen, Nıgerıa jáne AQSH memleketteri ornalasqan. AQSH áıelderdiń seksýaldyq zorlyq-zombylyqqa ushyraý qaýpiniń artýyna baılanysty osy tizimge enip otyr.