Májilis spıkeri Nurlan Nyǵmatýlın QR parlamentiniń kezekti sesıasynyń aıaqtalǵanyn málimdedi.

«Búgin QR parlamentiniń úshinshi sesıasyn aıaqtaımyz. Bul jumysty qorytyndylaý ǵana emes, aldaǵy maqsattardy júzege asyrýǵa kúsh-jigermen oralý. Depýtattyń korpýstyń bar jumysy Elbasy Nursultan Nazarbaev úshinshi sesıanyń ashylýynda tapsyrǵan strategıalyq tapsyrmalardy oryndaýǵa jumsaldy», - dedi Nyǵmatýlın.

Onyń aıtýynsha, parlamenttiń altynshy shaqyrylymynyń úshinshi sesıasy tarıhı kezeńderge toly boldy. Máselen, Qazaqstan BUU Qaýipsizdik Keńesinde tóraǵalyq etti, elde EKSPO-2017 halyqaralyq kórmesi ótti, sonymen qatar Astanada Sırıadaǵy qaqtyǵys máselesin beıbit túrde retteý prosesi ótti. Budan ózge Elbasy parlament qabyrǵasynda «Bes áleýmettik bastamany» kóterdi.

«Bul bastamalardy júzege asyrýda depýtattardyń róli zor boldy. Elbasynyń zańnamalary men  bastamalary parlamenttiń úshinshi sesıasynda depýtattar úshin eń jaýapty is sanaldy», - dep qostady májilis spıkeri.

Sonymen qatar Nyǵmatýlın Elbasynyń tapsyrmalaryn oryndaý barysynda parlamenttiń naqty atqarǵan jumystaryna erekshe toqtalyp ótti. «Tórt márte palata otyrysy ótti, 38 plenarly májilis jáne 25 plenarly senat otyrysyn ótkizdik. 400-ge jýyq mańyzdy máseleler kóterildi. Úshinshi sesıa bastalar buryn eki palatada 129 zańnama bekitilgen, onyń 84-i qabyldandy. 65ine Nursultan Nazarbaev qol qoıyp, kúshine endi», - dep sózin qorytyndylady Nurlan Nyǵmatýlın.