AQSH prezıdenti Donald Tramp AQSH-tyń Dúnıejúzilik saýda uıymynan shyǵatynyn talqyǵa saldy. Juma kúni ótken jıynda Tramp «saýda turǵysynan jaýlarymyz emes, dostarymyz arqamyzǵa pyshaq suqty, biraq biz taǵy da aqylymyzǵa júginemiz. Ár áreketimizdi oılanyp, durys sheshim qabyldaımyz. Bizdi eshkim paıdalanyp kete almaıdy», - dep málimdedi.

«Golos Amerıkı» portalynyń habarlaýynsha, Tramptyń bul eskertpesi – óz zamanynda AQSH bastamashy bolǵan halyqaralyq kelisimder men Amerıkanyń odaqtastaryna aýyr aýyr soqqy bolmaq.

Tramp Eýro Odaq, G7, NATO, Dúnıejúzilik saýda uıymdarymen seriktes bolýdan góri taıtalasýǵa nıettengen syńaıly. Onyń oıynsha, saýda aıasynda ózge eldermen tikeleı seriktestik ornatý áldeqaıda ońtaıly.

Atlanta keńesiniń qurmetti múshesi Aleksandr Vershboýdyń sózinshe, Donald Tramp AQSH prezıdentiniń rólinen asyp, halyqaralyq tártipke soǵys jarıalamaq oıda kórinedi.

Eki aptadan keıin Tramp NATO-nyń jyl saıynǵy samıtine qatysý úshin Eýropaǵa attanady. Odan buryn Ulybrıtanıaǵa joly túsip, premer-mınıstr Tereza Meımen kezdesedi, keıin Fınlándıada Reseı prezıdenti Vladımır Pýtınmen kezdesedi.

«Helsınıkıdegi kezdesý Tramp pen Pýtınniń arasynda jańa seriktestiktiń ornaýyna múmkindik beredi», - degen edi AQSH-tyń Reseıdegi elshisi Vershboý.

AQSH qarjy mınıstri Stıven Mnýchın prezıdenttiń DSU-dan shyǵýyn qoldamaıdy. Onyń oıynsha, Donald Tramp «tym ásirelep jiberdi». Ári DSU-nyń keı aspektilerin «ádiletsiz» dep esepteıtin kórinedi.

Aq úıdiń zańnama qyzmetteri boıynsha dırektory Mark Short jýrnalıserge bergen suhbatynda AQSH-tyń Dúnıejúzilik saýda uıymynan shyǵatyny týraly aqparattan múlde habarsyz ekenin aıtty.

Dúnıejúzilik saýda úıi 1995 jyly qurylǵan. Ol halyqaralyq saýdany rettep otyratyn jalǵyz halyqaralyq uıym.