Bul týraly Aqtóbe oblysynyń Óńirlik komýnıkasıalar qyzmetindegi baspasóz konferensıasy barysynda Lázzat Ýrazbaeva habarlady.

Onyń aıtýynsha óńirde, tutastaı alǵanda, jazǵy demalysty uıymdastyrýǵa 282 mln.teńge qarastyrylǵan.

«Qala syrtyndaǵy lagerlerde 11 405, mektep janyndaǵylarda – 56 281, palatalyda – 17 486, ata-analarynyń esebinen taǵy da 33 084 oqýshy demalady. Óńirde 11 qala syrtyndaǵy, sonyń ishinde, 3 memlekettik, 8 jeke lagerler jumys isteıdi, onda 11 myń bala demala alady. Erekshe bilim talaptary bar balalarǵa arnalǵan qala syrtyndaǵy «Kúnshýaq» lageri 600-deı balany qabyldaıdy.

1 qyrkúıekte qala syrtyndaǵy «Ásem» jyl boıǵy lagerinde 300 oryndyq mektep jáne oqýshylar úshin jabdyqtalǵan uıyqtaıtyn blok ashylady. Qobda aýdanynyń Egindibulaq kentinde jyl boıǵy lager qurylysy josparlanýda», - dedi Lázzat Ýrazbaeva.

Aǵymdaǵy jyly jazǵy kanıkýl ýaqytynda balalardyń bos ýaqytyn tıimdi uıymdastyrý maqsatynda balalar men jasóspirimder saýyqtyrýǵa, sondaı-aq, olar demalýǵa jáne jumyspen qamtylýǵa baǵyttalatyn bolady. 5-9 synyptardan 48 myń oqýshy kógaldandyrýǵa, baý-baqsha, jóndeý jáne qurylys jumystaryna tartylatyn bolady, 24 myń bala qyzyǵýshylyqtaryna qaraı úıirmeler men sporttyq seksıalarǵa, aýla klýbtaryna qatystyrylatyn jáne qosymsha bilimmen qamtylatyn bolady, 5 myń bala «Jas Ulan» qyzmetimen aınalysady, taǵy da 9 myń bala – jazǵy mekteptik til alańdarymen aınalysady.

«Qazaqstannyń qasıetti jerleriniń geografıasy» jobasyn júzege asyrý barysynda 3325 oqýshyny Almaty, Ońtústik Qazaqstan, Jambyl, Qyzylorda oblystaryna ekskýrsıasyn uıymdastyrý josparlanýda, 2540 oqýshy oblystyń qasıetti jerlerine bara alady.

Odan basqa, Qazaqstandaǵy Ózbekstan jyly aıasynda tamyzda Baıqońyr – Túrkistan – Tashkent – Samarqand baǵyty boıynsha 100 oqýshyǵa týrısik sapar uıymdastyrylatyn bolady.

Túrli pándik olımpıadalardyń, shyǵarmashylyq konkýrstar men sporttyq jarystardyń 5 jeńimpazy Tatarstan Respýblıkasyndaǵy «Baıtık» lagerinde, 5 mektep oqýshysy – QHR lagerinde, 120 bala – Orynbor oblysynyń «Solnechnaıa strana» lagerinde, 400 oqýshy – Shyǵys Qazaqstan oblysyndaǵy «Daryn» lagerinde demalatyn bolady.