Atyraý qalasynda zamanaýı qurylys nysany salynyp jatyr, dep jazady Qamshy.kz aqparat agenttigi. Salynǵan ǵımarattyń ekinshi qabatynda  qazaq, orys fransýz, aǵylshyn jáne túrik tilderin tereńdetip úıretetin synyptar ornalasady. Elbasy Nazarbaev óziniń "Bolashaqqa baǵdar: Rýhanı jańǵyrý" maqalasynda Latyn álipbıine ótý mindettemesin qoıa otyryp, "Birinshi, otandyq mádenıet BUU-nyń alty tili – aǵylshyn, orys, qytaı, ıspan, arab jáne fransýz tilderinde sóıleýi úshin maqsatty ustanym bolýy shart." degen bolatyn. 

Sońǵy tehnologıamen jabdyqtalatyn ǵımarat 4 qabattan turady. Onda kúres zaly, sporttyq gımnastıka men jeńil atletıka seksıalary jumys istep, basketbol alańy men júzý baseıni de ashylady. Sondaı-aq jastarǵa arnǵalǵan 300 oryndyq májilis zaly túrli mádenı sharalardy ótkizýge qolaıly.

Qurylys alańynyń basshysy Ǵabdol Sársembıev: "Bir sózben aıtqanda, úlken keshen. Jan-jaqty, balalardyń bos ýaqytynda demalyp, ózderiniń denelerin shynyqtyrýǵa, alǵa qaraı ózderin damytýǵa kóp úlesin qosady dep oılaımyn. Qurylys qarqyndy júrýde, 150 adam jumys isteıdi. Qazirgi kezde qurylys óziniń ýaqytymen júrgizilip kele jatyr.", dep atap ótti qurylys jumysy týraly.