Shymkentte er adam podezge kirgizip, shabýyl jasaǵan balanyń ájesi oqıǵanyń mán-jaıyn aıtyp berdi.
Halyqtyń jaǵasyn ustatqan vıdeo kesheli beri qyzý talqyǵa túsken edi.
«Men jumysta boldym, al bala esik aldynda oınap júrdi. Úlken ulym habarlasyp, balany bir er adamnyń urǵanyn aıtty. Úıge qaraı tura jóneldim. Kelsem, kórshiler aýlaǵa jınalyp alǵan. Polısıa shaqyrdyq. Bári balany suraq astyna aldy, alaıda ol durys sóıleı almady, jylaı berdi», - dedi zardap shekken balanyń ájesi.
Al kúdiktiniń qaıdan shyǵa kelgeni belgisiz. Ájeıdiń sózinshe, er adam balany aldymen basqa podezge kirgizbek bolǵan. Alaıda bala qarsylyq tanytqan soń vıdeodaǵy aparady. Abyroı bolǵanda kórshiler balanyń aıqaılaǵan daýysyn estip, sonda qaraı barǵan.
«Aýlada osy úılerdiń birinde turatyn eki áıel otyrǵan. Kishkentaı balamen podezge kirip ketken belgisiz adam olardyń kúdigin týdyrǵan. Sóıtip sońynan eredi. Áıteýir, úlgerip barǵan», - dedi balanyń ájesi.
Bul iske qatysty qalalyq İİD polıseıdiń barlyq qajetti sharalardy júrgizgenin málimdedi. Kúdikti birden ustalǵan eken. Qazir ol ýaqytsha ustaý ızolátorynda jatyr.
Polısıa derekterine sáıkes, kúdikti 1985 jylǵy Shymkent turǵyny bolyp shyqty. Ol kinásin tolyq moıyndady. Al pedofıldiń qurbany bolǵan 11 jastaǵy bala qazir dárigerlerdiń baqylaýynda.
