Saıasatker Aıdos Sarym Tramptyń «Pýtınmen ońasha sóıleskim keledi» degen nıetine alańdaýshylyq tanytyp otyr. Bul týraly saıasatker búgin «Jańa Qazaqstan» forýmynyń baspasóz máslıhatynda aıtty, dep habarlaıdy Qamshy.kz aqparat agenttigi. 

Onyń aıtýynsha, Tramp pen Pýtınniń kezdesýinde talqylanatyn aýmaqtyq shaǵymdar men ózge de kelisimderdi zańdastyrý máseleleri Qazaqstannyń egemendigine soqqy bolýy múmkin.

«Tramp aıtýy múmkin: «Aınalaıyn, burynǵy Sovet odaǵynyń elderi seniń menshigiń bolsyn, sen bizdiń isimizge aralaspa», - dep. Biz sodan qaýiptenip otyrmyz», - dedi Aıdos Sarym.

Saıasatkerdiń oıynsha, biz Batysqa bet buryp, AQSH pen Eýropanyń konteksinde bolýymyz kerek.

Aıta keteıik, "Jańa Qazaqstan" forýmy Almatyda baspasóz máslıhatyn ótkizip jatyr. Jıyn barysynda saıasatkerler AQSH astanasy Vashıngtonǵa saparlarynyń nátıjesin aıtyp berdi. AQSH-ta asharshylyqqa baǵa berý, bıliktiń tranzıti, parlamenttik júıege aýysý máselesi, sonymen qatar Qytaıdaǵy qazaq máselesi kóterilgen.