7 shilde kúni «Habar» telearnasynda Sh. Aımanov atyndaǵy «Qazaqfılm» kınostýdıasy men Brıtandyq habar taratý korporasıasy (BBC) birlesip túsirgen eki derekti fılm kórsetiledi. Bul týyndylardyń búkil álemde jáne Qazaqstandaǵy alǵashqy kórsetilimi.

Saǵat 19.25-te «Altyn adam týraly ańyz» fılmi efırge shyǵady, kartınada saq jaýyngeriniń saýyt-saımandary, jalpy belgili arheologıalyq oljanyń tarıhy týraly áńgime órbıdi.  

Saǵat 19.50-de – Aısha bıbi men Qoja Ahmet Iassaýı keseneleri týraly «Uly dala ańyzdary» fılminiń tusaýkeseri.

Aısha bıbiniń qabir-kesenesi XII ǵasyrda salynǵan. Ańyz boıynsha keseneni Aısha bıbi qaıtys bolǵan jerge onyń ǵashyǵy, Taraz bıleýshisi Qarahan turǵyzǵan.

Qoja Ahmet Iassaýı kesenesi - sopy aqyn Qoja Ahmet Iassaýı jerlengen orynda salynǵan jáne XIV ǵasyrǵa jatqyzylady. Qurylys IýNESKO-nyń búkilálemdik mura nysany bolyp tabylady.

Fılmder sondaı-aq BBC korporasıasynyń arnalarynda da kórsetiledi.