Shymkentte podezd ishinde balaǵa shabýyl jasaǵan kúdiktini qamaýǵa alý týraly buıryq shyqty. Bul týraly qalanyń Eńbekshi aýdandyq soty habarlady, dep jazady Qamshy.kz aqparat agenttigi.

Sanksıa eki aıǵa berildi. Sot vedomstvosynyń deregi boıynsha, kámelet jasqa tolmaǵan balaǵa shabýyl jasaǵan er adamǵa qatysty QR Qylmystyq kodeksi 121-baptyń «Kámeletke tolmaǵan balaǵa qarsy jynystyq sıpattaǵy zorlyq-zombylyq aktileri» boıynsha sotqa deıingi tergeý jumystary bastaldy.

Aıta keteıik, birneshe kúnnnen beri áleýmettik jelide kámelet jasqa tolmaǵan jasóspirim balaǵa shabýyl jasaǵan er adamnyń vıdeosy qyzý talqylanyp keledi. Vıdeony kórgen qazaqstandyqtar jaǵasyn ustap jatyr.

Anyqtalǵandaı oqıǵa Shymkent qalasynda, 1 shilde kúni bolǵan.

Vıdeodan er adamnyń balany podezge kirgizip, artynsha baspaldaqtyń artyna jasyrynǵanyn baıqaımyz. Keıin kireberiske bir áıel kirip qalyp, er adam syrtqa qaraı qasha jóneledi. Vıdeo beınebaqylaý kamerasyna túsip qalǵan.

Polısıa derekterine sáıkes, kúdikti 1985 jylǵy Shymkent turǵyny bolyp shyqty. Ol kinásin tolyq moıyndady. Al pedofıldiń qurbany bolǵan 11 jastaǵy bala qazir dárigerlerdiń baqylaýynda.