QR Mádenıet jáne sport mınıstrliginiń uıymdastyrýymen Aqmola oblysy Býrabaı demalys aımaǵynda ótken "Burabay Sammer Fest" I jasóspirim talanttardyń halyqaralyq festıvaline qatysqan Túrkistan oblysynyń búldirshinderi elge oraldy.
«Vokaldyq óner» (dástúrli án, akademıalyq án, estradalyq án), «Instrýmentaldyq oryndaýshylyq» (dástúrli óner, klasıkalyq óner, estradalyq óner), «Horeografıalyq óner» (halyqtyq bı, klasıkalyq bı), sondaı-aq «Kórkemdik oqý» nomınasıalary boıynsha ótken festıválde Túrkistan oblysynan 8 janr boıynsha 32 jas daryn qatysyp, sonyń ishinde 7 ónerpaz júldeli orynǵa qol jetkizdi.
Qatysýshy jas ónerpazdardy Shymkent temirjol vokzalynda ata-analary, týystary, ustazdary saltanatty túrde kútip aldy.
Aıta ketsek, «Burabay Summer Fest» I jasóspirim talanttardyń halyqaralyq festıvaline elimizdiń barlyq oblystarymen qatar Qytaı, Belarýsıa, Reseı, Qyrǵyzstan, Ózbekstan, Ázirbaıjan jáne Túrkıa syndy birqatar shet memleketterden 400-den asa ónerpaz qatysqan bolatyn. Ár óńirden báısheshekteı bas kótergen daryndarynyń óner saıysynda baq synaýǵa Túrkistan oblysynyń ónerpazdarynyń qatysýyna oblys ákimdigi men oblystyq Mádenıet jáne tilderdi damytý basqarmasy, oblystyq Mádenıet jáne halyq shyǵarmashylyǵy ortalyǵy qoldaý bildirdi.