Túrkıada túrli mınıstrlikter men vedomstvolardaǵy memlekettik qyzmetten "ulttyq qaýipsizdikke qarsy is-áreket" kúdigine ilikken 18 myńnan astam adam bosatylǵan. Bul týraly jeksenbi kúni "Resmı gazeta" basylymynda jarıalanǵan "zańdy kúshi bar jarlyqta" aıtylǵan.

Shildeniń 8-inde jaryq kórgen jarlyqqa sáıkes, elde 12 asosıasıa, úsh gazet jáne telearna jabylady. Eń kóp adam – 9 myńǵa jýyq qyzmetker Bas qaýipsizdik basqarmasynan jumystan bosatylady. Sonymen birge ǵylymı ınstıtýttarda eńbek etken 199 adam jumyssyz qaldy. Jumystan bosaǵandardyń barlyǵy memlekettik qyzmetshige tıesili jeńildikten aıryldy, olarǵa memlekettik qurylymdarda jumys isteýge tyıym salynǵan.

Osydan eki jyl buryn iske aspaı qalǵan memlekettik tóńkeris áreketinen keıin elde jarıalanǵan tótenshe jaǵdaı tártibi osy aıda aıaqtalady dep habarlanǵan.

Túrkıa úkimeti 2016 jylǵy shildeniń 16-synda 250 adamnyń qazasyna sebep bolǵan memlekettik tóńkeris jasaýǵa tyrysty dep AQSH-ta turatyn túrik dinı qaıratkeri Fethýlla Gúlendi aıyptaıdy, Gúlen ózine taǵylǵan aıypty joqqa shyǵarady.

Derekkóz:Azattyq radıosy