Nazerke Semey esimdi Facebook qoldanýshysy "Nur" sóziniń mán-maǵynasyna taldaý jasady, dep habarlaıdy Qamshy.kz aqparat agenttigi. Onyń oıynsha, "nurdyń" bárin Elbasynyń atymen baılanystyrý orynsyz.

"Dúnıege Nurprezıdent keldi" - JAǴYMPAZDYQ!
"Nurly jol" - JAǴYMPAZDYQ!
Nur-Astana meshiti - JAǴYMPAZDYQ!
Nur Otan - JAǴYMPAZDYQ!
NURdyń bári jaǵympazdyq, áıteýir...
NUR súresi de JAǴYMPAZDYQ shyǵar, á?! ? (Oılanýǵa arnalǵan úzilis. Oılanyp boldyńyz ba? - Endeshe, jalǵastyraıyq)
⤵
"NUR"- Qasıetti Quran-Kárimniń 24-súresi.
☝
Atalmysh súreniń 43-aıatynda: "Kórmeısiń be? Rasynda Alla bulttardy aıdaıdy. Sosyn onyń aralaryn biriktiredi. Sonan soń ony qabat-qabat qylady. Sonda bulttyń aralarynan jańbyr shyqqanyn kóresiń. Jáne aspannan ishinde burshaǵy bar (bult) taýlaryn túsiredi de ol arqyly qalaǵan pendesine apat jetkizip, qalaǵanynan buryp, áketedi. Naızaǵaıdyń jarqyly kózderdi ákete jazdaıdy" delingen. ☝
Paıǵambarymyz (s.a.ý.) «Aspan esikteri ashylyp myna tórt jaǵdaıda jasalǵan duǵa qabyl bolady: Alla jolynda saptar bir-birine jolyqqanda, jańbyr jaýǵanda, namazǵa qamat túsirilip jatqanda jáne Kaǵbany kórgende» degen eken [At-Tabaronı, Abı ýmamadan].
☝
Keltirilgen aıat pen hadıstiń arasyndaǵy baılanysty baıqadyńyz ba?
?
Alla buıyryp jaýdyrǵan jańbyrdyń qadir-qasıetin bilgen qazaq halqy jaýyn-shashyndy osy sebepti "Allanyń nury" deıdi. Muqaǵalı Maqataevtyń "Nur jaýyp turǵan kóktemde..." dep bastalatyn óleńindegi "NUR" da sol jaýyn ǵoı. Buny bilmeıtinder bar eken ? MASQARA!
Negizi "NUR" sóziniń týra maǵynasy, aýdarmasy - jaryq. Jaryqtyń nesi jaman?!?
Dástúrli dindi ustanǵan qazaqtyń balasyna Nurlan, Nurbol, Nurbek, Nurgúl, Nurbıbi t.s.s. esimderdi berýindegi basty maqsat qazirgi kópshilik oılaǵandaı jaǵympazdaný emes, perzentiniń ımandy, keń júrekti, adal bolyp ósýin tilegeni shyǵar? Sondaı zor maǵynaly, ádemi sózdi ákep, jap-jaman jaǵympazdyqpen egiz ettik. Qarańǵylyq qoı! Keı adamdar tipti "NUR" degen sózdi jek kórip ketti... ? 
Ókinishti-aq... Saýatsyz kópshilik úshin NURdyń qur bir býyndy "prıstavka" bolyp qalǵany ókinishti-aq..." - dep jazdy avtor.